martes, 5 de diciembre de 2017

lunes, 4 de diciembre de 2017

viernes, 1 de diciembre de 2017

Euskararen eguna

Eguraldiak asko lagundu ez duen arren, primeran pasatu dugu. 


Eman hegoak euskarari gaur eta beti!



Goizean txapelketak egin ditugu L.H. 1. mailako lagunekin batera. Hauek izan dira gure irabazleak: 







ZINUKA:

Gaileta-jolaserako dugu hau. Jolas honetan kopeta gainean jartzen da gaileta eta aurpegiko keinuen bidez eta eskuekin ikutu gabe gaileta hori ahoraino jaitsiarazi behar da. 









MANDOKA:

Pilota joko honetan tartea utziz haurrak ilaran jartzen dira hormara begira. Lehenengoak pilota botatzen du hormara eta pilota itzultzen denean haren gainetik salto eginez pasatzen utzi behar dio ilarako bigarrenak eskuekin jaso dezan. 










SOKASALTO:

Bi haurrek mutur banatatik hartu eta jirabiran jartzen dutenean soka, hirugarren haur batek salto egiten du behin eta berriz soka oin paretik igarotzen denean. Jolas hau abesti baten lagutzaz egiten dugu, ustez haurren ezkon adina ematen duena: 

Aita, Ama

zenbat urtekin ezkonduko naiz
txikia naiz eta ez dakit,
1,2,3,4, ...

Salto egiten da puntua galdu arte.










ASMAZAK: 

Esku bat atzean ezkutatzen da eta nahi diren hainbat hatz aukeratu behar dira. Jokalari bakoitzak eskuak erakusterakoan azalduko diren hatz kopuru osoaren zenbakia bota behar du. Ondoren eskuak denen aurrera ekarri eta zenbatu egingo dira. Asmatu duen inor balego, huraxe da irabazlea. 





Jolastorduan txistorrada gozoa ospatu dugu. 






Goiza amaitzeko gure liburuentzako liburu-markatzailea egin dugu. Begira! Euskararen txantxangorria da.